عجوز أغبر

لا تدمنين كلامي

لاتندمين
عجوز أغبر لساني
فيه لا تسرحين
يتغزل فيك ابمنامي
منه اليوم لا تشتكين
الا لا تضحكين

ضحكت

وطحت بمكاني
وصلنا الاربعين
وبعدنا مراهقين
ادري
بطني منك خذاني
وفيه رابع جنين
بولد اليوم تراني
شعور فقدته سنين
ثقيلة حيل أوزاني
راح الحلى مني كثير
فداج اليوم هلي وخلاني
لايهمج لبس الطويل
بضمج حيل بحضاني
وبداعب بطن كبير
احنا نهار
نسيت صيامي
هقوتك ينقبل
وهالغزل قدامي

(اضحك)
تظنين بتفطرين
معاك أنت
ما ياخذ ثواني
تضمي بكلامك
روح العليل
يا بخت كلامي
في زماني
غدى ينسيج
جوع الصواني
حنانك دوم كفاني
جوع همي وليل الانين
حبيبتي
اساعدج تقومين
تبين تروحين
اي وقت الفطور الحين
أحبك

أحبج

وحنا اربعين
يمه يمه

بطني
هقوتي بتولدين
اي

بولد حبيبي
وخليك اربعين

:)

كل عام وأنتم بخير
وايضا
مـــ عليكم الشهر ــــبارك
وعـــ من عواده ــــساكم

للسما

للسما لو امد ايديك وايديني

لَلمسافات قدي.. ولا هي بكبري

ادري أنك كثر صبري تحبيني..

وانا أحبك كثر كرهي على صبري

امس طيفك حلفلي كذب بيجيني

كافي اني لمحتك وانت ما تدري

ليل بيروت دافي لا تغطيني

بشربك لين اتوه بلونك الخمري

وان شربتك من اللي عاد يصحيني

ما سألت السهر متى يجي فجري

عشقك اللي نبت ما بينك وبيني

في عيون العواذل زاد من قدري

بس وحياة ذلي انت تكفيني

يكفي ارضاك لو ما فادني عذري

ان طفا بك شعورك ما تطفيني

لو اموتك جسد.. احييك في شعري

من تفاصيل وقتك ليش تلغيني؟

ليش هديت بيت العمر يا عمري؟

انتظارك سفر مشواره اسنيني

كل خطوة تعبها شلتها بصدري

لا تساوم بوصلك لا تمنيني

لذة الوصل تذبح قبل لا تغري

منك إنسا تداويني وتشفيني

علني كل ما ونيت لك أطري

قلت لك ليل وحشه ألتحف فيني

وانت جنيت اما تسري.. او تسري

وقتها طاح قدر الارض من عيني

والصبر صاح هذي آخرة.. صبري

يا سما لو يدينك طالت ايديني

للمسافات قدي.. ولا هي بكبري

الاستاذ
علي مساعد