السبت، 17 يوليو، 2010

ارنـــوبة شـــارع الحـــب

بسم الله الرحمن الرحيم

ونرجع مرة ثانية في موضوع جديد وأقدر اسميه من عجائب هذه السنة
في البداية كنت أقوم بقيادة السيارة في صيف كويتي جميل يتحدى الشمس في استقبال اشعتها
كنت أقود السيارة وقول أنا الحين بشارع الحب ، بس ليش اسمه شارع الحب صج مثل ما يقولون كل واحد يحب وحده لازم يشوفها اهنيه ، ممكن بس عقب الي شفته طلع في شي أكبر من أن اثنين عشاق يشوفون بعض في هذا الشارع
خل نشوف



المكان طبعا اشارة الخروج من منطقة الشامية

والالتفاف الى اليسار باتجاه شارع الشباب الاول شارع الحب الوضع طبيعي جدا


وطبعا وضع الشارع طبيعي




لكن لما وقفت عند الاشارة وبعد تدقيق لاحظت في عبارة لكن شنو مكتوب عمل تخريبي ممكن





اعتقد انه في كلام مكتوب
Amana Et'a '9ag 9adrj
5athy galbi Oo Tslee Feeh
3ashg ArnOoba 3-19
وهذي الترجمة
أمانه اذا ضاق صدرج خذي قلبي وتسلي فيه ، عاشق ارنوبة


الصراحة بعد هذا الموقف ممكن الواحد يستنتج
أن هذا الشارع مو بس يشوفون العشاق بعضهم فيه
الا يقدرون يرسلون رسايل فيه وكل واحد حسب طريقته

هل اللي كتب الرساله قاعد يعبر عن حبه ؟
ولا متهاوشين ويبي يراضيها ؟
وهل هذا طريج ارنوبه كل يوم ؟


وفي الاخير
هل نعتبر هذا التصرف ظاهرة سلبيه ؟

السبت، 10 يوليو، 2010

تــــعـــجــبــيـــنـــي






صدقيني

ببدا أكذب عليك

صدقيني لو رحت بالحكي أقول

وافهميني

لو قلت ما هو فيك



كذبيني

لو طيفك عني يزول

تحبيني؟

ولا كلامي جنون؟



تبيعني بأفكارك



و ترهنيني بأسرارك



وش يقول القلب عنك

وش يقول ؟



ما حن نبضك يوم دقيت بابك؟

ما شعرت كيف قطعني غيابك؟



وش يجول بخاطرك

قلي وش يجول؟



تعجبيني

بصدك عن أحبابك



تعجبيني

لو صار احساسك خجول



تكرهيني

لو فسرت أسبابك



وتلوميني

لاسكت قلبي عن الشعور



تشوفيني بأحلامك

وتهجريني بأقدامك



اشرحيلي اليوم وش جابك

وش اللي طرى على بالك

وش اللي غير أحوالك



تكلميني

تعاتبيني

تخليني

ولا حتى تجرحيني

ما فهمت

وش صار ببعادك



يمكن انتهيت

وضاعت منك الحلول

ويمكن ولهت

وجاي تشفي الغرور



بصراحة



تشوفيني



تبعديني



تقربيني



ما عاد لحبيبيك إحساس


بالشعور